İtaliyada bir qrup Gürcüstan vətəndaşı tutulub

Gürcüstan və Bolqarıstan vətəndaşları olan iki nəfər Romanın Parioli rayonunda mənzilə zorla girməyə cəhd etdikdən sonra saxlanılıb.

InterPress.ge xəbər verir ki, İtaliya mətbuatının məlumatına görə, hadisə aprelin 21-də baş tutub.

Saxlanılan şəxslərin Romanina qəsəbəsindəki mənzilində də axtarış aparılıb, oradan 6 ədəd çamadan, o cümlədən bahalı saatlar, qızıl-zinət əşyaları və dizayner geyimləri aşkar edilib. Oğurlanan əşyaların dəyəri 200 min avrodan çoxdur.

Eyni mənzildə 3 Gürcüstan vətəndaşı da olub. İtaliya mətbuatının məlumatına görə, onlar oxşar cinayətlərə görə məhkum edilmişdilər.

İtaliya mətbuatının yazdığına görə, "Müstəntiqlər dəstənin yaxşı təşkil olunduğunu və aşkar izlər qoymadan kilidləri aça bilən mürəkkəb alətlərlə təchiz olunduğunu bildirirlər ki, bu da əvvəlki işlərdə istintaqı çətinləşdirib. Digər dələduzluq hadisələri ilə əlaqənin təsdiqlənməsi üçün istintaq davam edir".