ATƏT-in Baş katibi Gürcüstana gəlib

Avropada Təhlükəsizlik və Əməkdaşlıq Təşkilatının (ATƏT) Baş katibi Fəridun Sinirlioğlu Gürcüstana rəsmi səfər edib.

InterPress.ge xəbər verir ki, bu barədə məlumatı Gürcüstanın Xarici İşlər Nazirliyi yayıb.

Məlumata görə, 22 aprel tarixində ATƏT-in Baş katibi Gürcüstanın xarici işlər naziri Maka Boçorişvili ilə görüşəcək. Görüşdən sonra Maka Boçorişvili və Fəridun Sinirlioğlu birgə mətbuat açıqlaması verəcəklər.

Səfər çərçivəsində ATƏT-in Baş katibinin Gürcüstanın icraedici və qanunverici hakimiyyətinin yüksəkvəzifəli şəxsləri ilə də görüşləri nəzərdə tutulub.

Bundan əlavə, Fəridun Sinirlioğlunun işğal xəttinə yaxın yerləşən Odzisi kəndinə baş çəkərək yerindəki vəziyyətlə tanış olması da planlaşdırılıb.