Rustaveli prospektində etiraz aksiyası davam edir – iştirakçılar yolu bağlayıblar

Rustaveli prospektində etiraz aksiyası 142-ci günündə də davam edir.

InterPress.ge xəbər verir ki, Parlament binası önündə toplaşan vətəndaşlar bu gün də avtomobil yolunu bağlayıblar.

Etirazçıların tələbləri dəyişməz olaraq qalır – yeni seçkilərin təyin olunması və aksiyalar zamanı saxlanılan şəxslərin azadlığa buraxılması.

Paralel olaraq, İctimai Yayım Şirkətinin binası önündə də aksiya keçirilib. Buradan yürüşə çıxan nümayişçilər Rustaveli prospektinə doğru hərəkət edərək parlament qarşısındakı etiraza qoşulublar.