DİN vətəndaşlara saxta e-poçt mesajları ilə bağlı xəbərdarlıq edib

"112" Xidməti və Patrul Polisinin birgə xidmət mərkəzinin qaynar xəttinə çoxsaylı vətəndaş zəngləri daxil olub. Zəng edənlər bildiriblər ki, Patrul Polisi Departamentinin rəhbərinin adından onlara naməlum məzmunlu elektron məktublar göndərilib.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin məlumatına görə, bu məktublar Patrul Polisi Departamentinin direktoru tərəfindən göndərilməyib və bu cür mesajlar rəsmi qurumla heç bir əlaqəyə malik deyil.

Vətəndaşların diqqətinə çatdırılır ki, bu saxta mesajlara inanmasınlar və aldanmasınlar. Daxili İşlər Nazirliyi qeyd olunan faktın aidiyyəti üzrə müvafiq xidmət tərəfindən araşdırılacağını açıqlayıb.