Tramp ABŞ-da qeyri-qanuni miqrantlara pul qarşılığında ölkəni tərk etməyi təklif edəcək yeni proqram planlaşdırır

ABŞ Prezidenti Donald Tramp bildirib ki, ölkədə qeyri-qanuni yaşayan miqrantların könüllü şəkildə ABŞ-ı tərk etmələri üçün onlara maliyyə təklifini nəzərdə tutan yeni bir proqram tətbiq etməyi planlaşdırır.

InterPress.ge xəbər verir ki, bu barədə məlumatı “Reuters” agentliyi yayıb.

Trampın sözlərinə görə, belə bir “könüllü deportasiya proqramı” müəyyən maliyyə dəstəyini və gələcəkdə ABŞ-a qanuni şəkildə qayıtmaq imkanını əhatə edəcək:

“Biz onlara təqaüd, pul və təyyarə bileti verəcəyik, sonra isə onlarla işləyəcəyik. Əgər yaxşı insanlardırsa və biz onların qayıtmasını istəyiriksə, onların mümkün qədər tez geri dönmələri üçün əməkdaşlıq edəcəyik,” – deyə Tramp qeyd edib.