İrakli Kobaxidze: “Avropa Şurası ilə əməkdaşlıq demokratik islahatlara dəstək verən amildir”
Antaliya Diplomatiya Forumu çərçivəsində Avropa Şurasının Baş katibi Alen Bers ilə məhsuldar görüş keçirib.
InterPress.ge xəbər verir ki, bu barədə Gürcüstanın Baş naziri İrakli Kobaxidze sosial şəbəkə X-də bildirib.
Baş nazirin sözlərinə görə, görüş zamanı Avropa Şurası ilə əməkdaşlığın əhəmiyyəti xüsusi vurğulanıb.
“Antaliya Diplomatiya Forumu çərçivəsində Avropa Şurasının Baş katibi cənab Alen Bers ilə məhsuldar görüş keçirdim. Görüş zamanı Avropa inteqrasiyası yolunda demokratik islahatlara dəstək verən mühüm amil kimi Avropa Şurası ilə əməkdaşlığın əhəmiyyətini vurğuladım.
Görüşdə həmçinin əməkdaşlığımızı daha da gücləndirməyə və aktiv dialoqu davam etdirməyə hazır olduğumuzu bir daha təsdiqlədik”, – deyə İrakli Kobaxidze qeyd edib.
