İrakli Kobaxidze Avropa Şurasının Baş katibi ilə görüşüb

Gürcüstanın Baş naziri İrakli Kobaxidze Antaliya Diplomatiya Forumu çərçivəsində Avropa Şurasının Baş katibi Alen Bers ilə görüş keçirib.

InterPress.ge xəbər verir ki, bu barədə Gürcüstan hökumət administrasiyası məlumat yayıb.

Verilən məlumata görə, görüş zamanı Gürcüstan və Avropa Şurası arasında mövcud əməkdaşlıq məsələləri müzakirə olunub.

“Tərəflər Gürcüstanın Avropa inteqrasiya yolu ilə bağlı mövcud çağırışları və ölkədə baş verən siyasi prosesləri müzakirə ediblər. Baş nazir Avropa Şurasının Baş katibinə son dövrlərdə baş verən hadisələr barədə ətraflı məlumat verib”, – deyə məlumatda qeyd olunur.