Prezident yeni seçilmiş parlamentin ilk iclasını artıq açmayacaq – yeni reqlament layihəsi parlamentdə təqdim olunub

Gürcüstan parlamenti yeni reqlamentin qəbuluna hazırlaşır.

InterPress.ge xəbər verir ki, layihəyə əsasən, bir sıra prosedurlar yenidən tənzimlənəcək, o cümlədən yeni seçilmiş parlamentin ilk iclasının keçirilməsi qaydaları da dəyişəcək.

Hazırda qüvvədə olan reqlamentə görə, parlamentin ilk iclasını prezident açır. Prezident iştirak etmədiyi halda, bu səlahiyyət parlamentin ən yaşlı deputatına keçir. Lakin yeni reqlamentin layihəsi bu qaydanı deyişəcək.

Yeni layihəyə əsasən:

 

• Yeni seçilmiş parlamentin ilk iclası seçkilərin rəsmi nəticələrinin elan edilməsindən gec olmayaraq 10-cu gün keçiriləcək.
• Bu iclası təyin etmək hüququ prezidentə məxsus olacaq.
• Əgər prezident ilk iclasın tarixini müəyyən etməzsə, parlament 10-cu gün saat 12:00-da avtomatik olaraq toplanacaq.
• İlk iclası prezident deyil, ən yaşlı deputat açacaq və parlament sədrinin seçilməsinə qədər iclasa sədrlik edəcək.

Yeni reqlament layihəsi artıq parlamentdə təşəbbüs kimi qeydiyyatdan keçib və onun 2025-ci il 1 iyuldan qüvvəyə minməsi planlaşdırılır. Layihənin qəbulundan sonra 2018-ci ildə təsdiqlənmiş hazırkı reqlament hüquqi qüvvəsini itirəcək.