Elmlər Akademiyası və Kənd Təsərrüfatı Elmləri Akademiyasının üzvlərinin əməkhaqqısı artırılacaq

Gürcüstan Milli Elmlər Akademiyasının və Kənd Təsərrüfatı Elmləri Akademiyasının həqiqi üzvlərinin, müxbir üzvlərinin və təqaüdçülərinin maaşı artırılacaq.

InterPress.ge xəbər verir ki, bununla yanaşı, Kənd Təsərrüfatı Elmləri Akademiyasına müxbir üzvlərin seçilməsi hüququ veriləcək.

Müvafiq qanunvericilik dəyişiklikləri artıq Parlamentdə təşəbbüs kimi irəli sürülüb. Layihə Təhsil, Elm və Gənclər Komitəsi tərəfindən hazırlanıb.

 

Hazırda qüvvədə olan qanuna əsasən, Milli Elmlər Akademiyasının həqiqi üzvünün minimum əməkhaqqı azı 1 600 lari, müxbir üzv və təqaüdçü üçün isə azı 1 000 lari təşkil edir. Planlaşdırılan dəyişikliklərə görə, həqiqi üzvlərin maaşı azı 2 000 lari, müxbir üzvlər və təqaüdçülər üçün isə azı 1 250 lari olacaq.

 

Kənd Təsərrüfatı Elmləri Akademiyasında isə hazırda həqiqi üzvlərin minimum maaşı 1 450 lari, müxbir üzv və təqaüdçülər üçün isə 900 lari müəyyən edilib. Qanun dəyişikliyindən sonra bu göstəricilər müvafiq olaraq 2 000 və 1 250 lari olacaq.

Beləliklə, Kənd Təsərrüfatı Elmləri Akademiyasının həqiqi üzvlərinin, müxbir üzvlərinin və təqaüdçülərinin maaşları Milli Elmlər Akademiyasının müvafiq üzvlərinin maaşları ilə bərabərləşdiriləcək.