Tbilisi Dövlət Universitetindən “Bizim gələcəyimiz müstəqil Gürcüstandır” adlı tələbə yürüşü keçirilir

Tbilisi Dövlət Universitetinin birinci korpusundan “Bizim gələcəyimiz müstəqil Gürcüstandır” şüarı ilə tələbə yürüşü başlayıb.

InterPress.ge xəbər verir ki, aksiya iştirakçılarının sözlərinə görə, “əcdadların qazandığı müstəqilliyi heç vaxt verməyəcəklər”.

Yürüş Rustaveli prospektində başa çatacaq. Tələbələr burada parlament qarşısında keçirilən etiraz aksiyasına qoşulacaqlar.

Bununla paralel olaraq, Respublika meydanından referendum gününə həsr olunmuş yürüş də davam edir. İştirakçılar Gürcüstan və Avropa İttifaqı bayraqları ilə parlament istiqamətində hərəkət edirlər və orada toplaşmış vətəndaşlarla birləşəcəklər.