İrakli Kobaxidze: “Bu gün Gürcüstan heç vaxt olmadığı qədər müstəqil və suveren ölkədir”

Gürcüstan bu gün heç vaxt olmadığı qədər müstəqil və suveren ölkədir.

InterPress.ge xəbər verir ki,  bunu ölkənin baş naziri İrakli Kobaxidze hökumət iclasında bildirib.

Onun sözlərinə görə, bu, qorunmalı və daha da möhkəmləndirilməli olan bir vəziyyətdir:

“Gürcüstan bu günə qədər yalnız müstəqilliyini qoruyub saxlamayıb, həm də onu daha da möhkəmləndirib. Müstəqillik elə bir dəyərdir ki, onu gələcəkdə də xüsusi diqqətlə qorumalıyıq. Qətiyyətlə demək olar ki, bu gün Gürcüstan heç vaxt olmadığı qədər müstəqil və suverendir. Bu, xüsusi qayğı ilə yanaşmalı olduğumuz vəziyyətdir.

Bu gün, xüsusilə də, müstəqillik ideyasına illər boyu həyatını fəda edən insanları anmalıyıq. Xüsusi ehtiram isə Gürcüstanın müstəqilliyi uğrunda aparılan müharibələrdə həlak olmuş əsgərlərimizə göstərilməlidir,” – deyə Kobaxidze bildirib.