Ombudsman: Dövlət sektorunda çalışanların vətəndaş mövqeyinə görə işdən çıxarılması yolverilməzdir

Dövlət sektorunda çalışan şəxslərin açıq şəkildə vətəndaş mövqeyini və ya baxışlarını ifadə etdiyinə görə işdən çıxarılması yolverilməzdir.

InterPress.ge xəbər verir ki, Gürcüstanın Ombudsman Aparatı bəyan edib.

Ombudsmanın yaydığı məlumata görə, işdən azad edilən şəxslərin bir qismi hüquqlarını qorumaq üçün məhkəməyə müraciət etməyi planlaşdırır, digərləri isə Ombudsman Aparatına şikayət edib.

Ombudsman bildirib ki, hazırda aparatda əmək münasibətlərində mümkün diskriminasiya ilə bağlı 8 iş araşdırılır ki, bu da ümumilikdə 15 nəfəri əhatə edir.

“Ombudsman bir daha dövlət qurumlarında çalışan şəxslərin, o cümlədən dövlət qulluqçularının əmək hüquqları məsələsinə diqqət çəkir və vurğulayır ki, dövlət sektorunda qəbul edilən hər hansı kadr qərarı tamamilə Konstitusiya ilə qorunan əmək hüquqlarına uyğun olmalıdır.

Bununla yanaşı, bərabərlik prinsipinin qorunması son dərəcə vacibdir və işçilərin açıq şəkildə vətəndaş mövqeyini ifadə etdiyinə görə işdən azad edilməsi yolverilməzdir.

2024-cü ilin dekabr ayından etibarən, açıq mənbələrdə yayılan məlumatlar əsasında Ombudsman Aparatı işdən çıxarılan 41 şəxsə müraciət edərək, onlara hüquqi prosedurlar və Ombudsman Aparatına müraciət qaydaları ilə bağlı detallı məlumat verib.

Qeyd edək ki, işdən çıxarılanların bir hissəsi məhkəməyə müraciət etməyi planlaşdırır, digərləri isə Ombudsman Aparatına müraciət ediblər. Hazırda Ombudsman əmək münasibətlərində mümkün diskriminasiya ilə bağlı 8 işi araşdırır ki, bu da ümumilikdə 15 nəfəri əhatə edir.

Ombudsman söz azadlığının vacibliyini vurğulayaraq bildirir ki, hüquqları pozulmuş şəxslərin mövqeyi və təqdim etdikləri sübutlar işlərin həlli üçün mühüm əhəmiyyət kəsb edir.

Yuxarıda qeyd olunanları nəzərə alaraq, dövlət sektorunda çalışan şəxslərə qarşı fərqli baxışlarına görə diskriminasiya halları ilə üzləşənlər Ombudsman Aparatına müraciət edə bilərlər.

Əlavə olaraq bildirilir ki, müraciətləri [email protected] elektron poçtu vasitəsilə təqdim etmək mümkündür. Hər hansı sual yarandıqda və ya əlavə məsləhət üçün Ombudsman Aparatının qaynar xəttinə - 1481 nömrəsinə zəng etmək olar.”** - deyə Ombudsman Aparatının yaydığı rəsmi məlumatda qeyd olunub.