Gürcüstanda daha bir zəlzələ baş verib

Gürcüstanda növbəti zəlzələ qeydə alınıb.

InterPress.ge xəbər verir ki, bu barədə Yer Elmləri İnstitutu və Milli Seysmik Monitorinq Mərkəzi məlumat yayıb.

Məlumatına görə, zəlzələnin episentri Tbilisidən 63 kilometr məsafədə, Tianeti şəhərinin şimal-şərqində, Axad kəndi yaxınlığında yerləşib.

Mütəxəssislərin bildirdiyinə görə, zəlzələnin gücü 4 maqnitud təşkil edib.

Xatırladaq ki, bu gün səhər saat 09:26-da Gürcüstanın dövlət sərhədindən 30 kilometr məsafədə, Ermənistanda da 5,1 maqnitudlu zəlzələ baş verib.