"Gürcü Təhsili Təhlükədədir!" – Tbilisidə tələbə və müəllimlər etiraz aksiyası keçirir

Tbilisi Dövlət Universitetinin həyətində tələbələr və müəllimlərin iştirakı ilə genişmiqyaslı etiraz aksiyası keçirilir.

InterPress.ge xəbər verir ki, aksiya "Gürcü təhsili təhlükədədir!" şüarı altında təşkil edilib və etirazçılar yürüş edərək parlament binasına doğru irəliləyəcəklər.

Aksiya iştirakçıları müxtəlif məzmunlu plakatlar və Gürcüstan bayraqları ilə etirazlarını ifadə edirlər.

Eyni zamanda, Tbilisinin bir neçə fərqli məntəqəsindən müxtəlif yürüşlər planlaşdırılır. Bu qruplar 100 gündür fasiləsiz davam edən etiraz aksiyasına qoşulmaq üçün parlament binasının qarşısında birləşəcəklər.

Bundan əlavə, "Vicdan məhbuslarına azadlıq!" şüarı altında ictimai yayım qurumunun binasının qarşısından da yürüş təşkil olunacaq.