İnflyasiya artır, lari dəyərin itirir – Gürcüstanın 2025-ci il üçün qaranlıq iqtisadi perspektivi

2025-ci ilin birinci rübündə gürcü iqtisadçılar ölkənin mövcud iqtisadi vəziyyətini mənfi qiymətləndirib.

InterPress.ge xəbər verir ki, bu barədə PMCG-in apardığı sorğuya əsasən bildirilib.

İqtisadçıların rəyi əvvəlki rüblə müqayisədə bir qədər yaxşılaşsa da, 2024-cü ilin eyni dövrü ilə müqayisədə xeyli pisləşib.

Sorğuda iştirak edən təxminən 60 iqtisadçı, növbəti altı ay ərzində Gürcüstanın iqtisadi vəziyyəti ilə bağlı pessimist proqnozlar irəli sürüb. 2025-ci il üçün ÜDM-in real artım proqnozu orta hesabla 3.9% təşkil edir.

Araşdırmanın əsas nəticələrilərinə gəlincə:

Növbəti altı ay ərzində illik inflyasiya göstəricisinin artacağı gözlənilir. 2025-ci il üçün inflyasiya proqnozu ortalama 4.7% təşkil edir.

• 2025-ci ildə ÜDM-in real artımı orta hesabla 3.9% olacaq ki, bu da 2024-cü ilin faktiki göstəricisindən 5.6 faiz bəndi aşağıdır.

• İnflyasiya səviyyəsinin 2024-cü ilin eyni dövrü ilə müqayisədə 2.8 faiz bəndi daha yüksək olması gözlənilir.

Valyuta və Xarici Ticarətə Təsir

• 2025-ci ilin ilk yarısında Gürcüstan larisi ABŞ dolları, avro, türk lirəsi və rus rublu qarşısında dəyərsizləşəcək.

• İxrac və idxal həcminin azalacağı gözlənilir.

Bu proqnozlar Gürcüstan iqtisadiyyatının yavaşlamasına və inflyasiya risklərinin artmasına işarə edir. Xüsusilə milli valyutanın zəifləməsi və ticarət həcmlərinin azalması iqtisadiyyat üçün əlavə çağırışlar yarada bilər.