Bizimlə əlaqəHaqqımızda—
Ən son:
TVCANLI

Xazaradze: “Bu insanlar İvanişvilinin şəxsi girovlarıdır”

261
Xazaradze: “Bu insanlar İvanişvilinin şəxsi girovlarıdır”
Dinləmək üçün basın

"Lelo – Güclü Gürcüstan” partiyasının lideri Mamuka Xazaradze, Tbilisi Şəhər Məhkəməsində Rustaveli prospektində keçirilən etiraz aksiyasında saxlanılan şəxslərin məhkəmə prosesinə qatılıb.

"Lelo – Güclü Gürcüstan” partiyasının lideri Mamuka Xazaradze, Tbilisi Şəhər Məhkəməsində Rustaveli prospektində keçirilən etiraz aksiyasında saxlanılan şəxslərin məhkəmə prosesinə qatılıb.

InterPress.ge xəbər verir ki,o, jurnalistlərə açıqlamasında saxlanılanları “Bidzina İvanişvilinin şəxsi girovları” adlandırıb və onların yalnız azadlıq və müstəqillik uğrunda mübarizə apardıqları üçün cəzalandırıldığını bildirib.

“Bu insanlar İvanişvilinin şəxsi girovlarıdır. Onlar ölkənin azadlığı və müstəqilliyini müdafiə etdiklərinə, eləcə də hakimiyyətin zorakılığını pislədiklərinə görə cəzalandırılırlar. Bu rejimin ədalət məhkəməsinə sahib olduğuna inanmıram. Gürcüstanda məhkəmə yoxdur və bu hökumətin əlində olduğu müddətdə heç vaxt olmayacaq”, – Xazaradze bildirib.

O, tələb edir ki, yeni seçkilər keçirilsin və siyasi məhbuslar azad edilsin.

“Bu insanlar azadlıq uğrunda mübarizə apararkən həbsə atılıblar. Onlara dözümlülük və güc arzulayıram. Qələbə bizim tərəfimizdə olacaq. Bütün prokurorlar və hakimlər bu qanunsuz prosesdə iştirak etdiklərinə görə qanun qarşısında cavab verəcəklər”, – deyə o vurğulayıb.

Qeyd edək ki, Tbilisi Şəhər Məhkəməsində etiraz aksiyasında saxlanılanların məhkəmə prosesi keçirilir.
    •    Zviad Tsetseladze, Vefxia Kasradze və Vasili Kadzelashvili – qrup halında zorakılığın təşkili və rəhbərliyində ittiham edilirlər. Onları 6 ildən 9 ilədək azadlıqdan məhrumetmə cəzası gözləyir.
    •    Giorgi Gorgadze, İrakli Miminoshvili, İnsaf Əliyev, Tornike Goshadze və Nikoloz Javaxișvili – qrup halında zorakılıqda iştirak etməkdə ittiham edilirlər. Onları 4 ildən 6 ilədək həbs cəzası gözləyir.

Məhkəmə prosesinin necə nəticələnəcəyi hələlik məlum deyil, lakin müxalifət bu məhkəməni siyasi motivli repressiya kimi qiymətləndirir.

Xəbəri qiymətləndir
Məqalənin müəllifiAysel İsmayılova

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →