Parlament qarşısında etiraz aksiyası davam edir

Parlament binasının qarşısında keçirilən etiraz aksiyası 79-cu gündür ki, fasiləsiz davam edir.

InterPress.ge xəbər verir ki, müxtəlif qruplardan olan etirazçılar yeni seçkilərin keçirilməsini və aksiyalar zamanı saxlanılan şəxslərin azad olunmasını tələb edirlər.

Polisin müqavimətinə baxmayaraq, etirazçılar parlament binasının qarşısındakı yolu bağlamağa nail olublar.

Bundan əlavə, ictimai yayımçının qarşısından etiraz yürüşü ilə gələn məhbuslara dəstək marşı aksiyaya qoşulub.

Aksiya iştirakçıları bildirirlər ki, onların mübarizəsi yeni seçkilər təyin olunana və saxlanılan şəxslər azad edilənə qədər davam edəcək.