Parlament qarşısında etiraz aksiyası davam edir - 35-ci gün

Gürcüstan parlamenti qarşısında etiraz aksiyası 35-ci gündür ki, davam edir.

InterPress.ge xəbər verir ki,  aksiya iştirakçıları bir daha toplaşaraq, əvvəlki tələblərini təkrarlayıblar.

Onlar etiraz aksiyaları zamanı saxlanılan vətəndaşların azad olunmasını və təkrar parlament seçkilərinin keçirilməsini tələb edirlər.

Etirazçılar vurğulayıblar ki, Yeni il olmasına baxmayaraq, mübarizələrini dayandırmayacaqlar, çünki onların fikrincə, Gürcüstanın Avropa gələcəyi qorunmalıdır.

Aksiya təşkilatçıları bildiriblər ki, Bidzina İvanişvilinin rejimi yeni seçkilər təyin etməyincə və saxlanılanları azad etməyincə, etirazlar dayandırılmayacaq. Onlar aksiyaları hər gün davam etdirəcəklərini bəyan ediblər.

Hazırda Tbilisidə Rustaveli prospektində aksiya iştirakçılarının çoxluğu səbəbindən nəqliyyat vasitələrinin hərəkət məhdudlaşdırılıb.