Yeni il qabağı iynəyarpaqlı ağacların və bitkilərin satışına nəzarət gücləndirilir
Ekologiya və Kənd Təsərrüfatı Nazirliyinin Ətraf Mühitə Nəzarət Departamenti Yeni il qabağı ağac və bitkilərin yığılması, daşınması və satışına nəzarəti gücləndirir.
InterPress.gr xəbər verir ki, bu barədə məlumatı Ətraf Mühitə Nəzarət Departamenti yayıb.
Onların hesabatlarına görə, qeyd olunan dövrdə iynəyarpaqlı ağacların və bitkilərin qanunsuz çıxarılması faktlarının aradan qaldırılması prioritet olacaq. Departamentin əməkdaşları 24 saat ərzində bütün Gürcüstan ərazisində gücləndirilmiş monitorinq keçirəcək.
“İynəyarpaqlı meşələri olan rayonlara xüsusi diqqət yetirilir. Paytaxtda idman sarayına, vağzala, metro stansiyalarına bitişik, yeni il qabağı iynəyarpaqlı ağacların və budaqların satıldığı ərazilər aktiv şəkildə yoxlanılır.
İynəyarpaqlı ağacların qanuni şəkildə yığılmasına və satışına yalnız o halda icazə verilir ki, onlar tingliklərdə, plantasiyalarda, bağlarda yığılsın və ya xaricdən gətirilsin. Bundan əlavə, satıcının ağac və bitkinin qanuni mülkiyyətini təsdiq edən müvafiq sənədi olmalıdır. İynəyarpaqlı bitki şəxsi torpaq sahəsində və ya süni şəkildə əkilmiş tinglikdə əldə edildikdə, daşınma üçün yerli bələdiyyənin idarə heyəti tərəfindən verilmiş mənşə sertifikatı məcburidir.
Qeyri-qanuni olaraq iynəyarpaqlı ağacların əldə edilməsi, daşınması və satışına görə cərimə ilk dəfə 2000 lariyə qədər, təkrarlanması halında isə 5000 lari olmaqla ətraf mühitə dəymiş ziyanın məbləği əlavə edilir. Zərərin məbləği 1000 laridən çox olarsa, şəxs cinayət məsuliyyətinə cəlb olunacaq.
Ekoloji Nəzarət Departamenti əhalini qanun pozuntusuna yol verildiyi halda qurumun 153 qaynar xəttinə (indekssiz, zəng pulsuzdur, anonimlik qorunur) müraciət etməyə çağırır ki, departamentin işçilər dərhal cavab verə bilərlər”, - məlumatda deyilir.
