Baş nazir: Biz xalqın seçdiyi hökumətik və xalqla danışmalıyıq

"Bizə cəmiyyətlə dialoq lazımdır, əsas və ən vacibi budur. Biz xalqın seçdiyi hökumətik və xalqla danışmalıyıq" 

InterPress.ge xəbər verir ki, bu barədə Gürcüstanın baş naziri İrakli Kobaxidze bugünkü mətbuat konfransında bildirib.

Baş nazirin sözlərinə görə, o, həm öz tərəfdarları ilə, həm də “radikal müxalifəti dəstəkləyən” şəxslərlə müzakirəyə hazırdır.

“Bizə cəmiyyətlə dialoq lazımdır. Bu, əsas və ən vacib şeydir. Ona görə də təklifimi bir daha təkrar etmək istəyirəm - cəmiyyətin istənilən nümayəndəsinə, istənilən formatda, istər ictimai müzakirə, istərsə də qeyri-ictimai müzakirə təklif edirəm, yerin və vaxtın önəmi yoxdur.  İctimaiyyətlə dialoq ən mühümdür. Biz xalqın seçdiyi hökumətik və xalqla danışmalıyıq. Seçicilərinin səsinə belə hörmət etməyən insanlarla yox, cəmiyyətlə danışmalıyıq. Biz öz tərəfdarlarımızla, hətta radikal müxalifəti dəstəkləyən insanlarla da danışmağa hazırıq”, - deyə baş nazir bildirib.