Dekabrın 3-də keçirilən etiraz aksiyasında 22 nəfər saxlanılıb

Daxili İşlər Nazirliyi dekabrın 3-də Tbilisinin Rustaveli prospektində keçirilən aksiyada 22 nəfəri saxlayıb.

InterPress.ge xəbər verir ki, bu barədə Daxili İşlər Nazirliyindən məlumat verilib.

Bildirilib ki, onların hamısı inzibati xəta törətdiklərinə görə saxlanılıblar.

Xatırladırıq ki, Gürcüstan hökuməti 2028-ci ilin sonuna kimi Avropa İttifaqı ilə danışıqların başlanması məsələsini gündəmə gətirməmək qərarına gəlib - həm də 2028-ci ilin sonuna qədər Avropa İttifaqının hər hansı büdcə qrantından imtina edir. Hökumətin bu qərarından sonra Gürcüstanda etirazlar baş verib. Noyabrın 28-dən Tbilisidə və regionlarda etiraz aksiyaları keçirilir.