Dekabrın 2-də Rustaveli prospektində keçirilən aksiyada saxlanılanların sayı açıqlandı

Dekabrın 2-də Rustaveli prospektində keçirilən aksiyada hüquq-mühafizə orqanlarının əməkdaşları 34 nəfəri saxlayıblar.

InterPress.ge xəbər verir ki, bu barədə Daxili İşlər Nazirliyi məlumat yayıb.

 Nazirlikdən verilən məlumata görə, onların hamısı İnzibati Xətalar Məcəlləsi ilə ittiham olunurlar.

Bundan əlavə, nazirlik qeyd edir ki, ötən gün keçirilən aksiya zamanı 12 hüquq-mühafizə orqanı əməkdaşı xəsarət alıb.

Saxlanılan şəxslər müxtəlif müvəqqəti saxlama yerlərinə köçürülüb.