ATƏT Gürcüstanda baş verən hadisələrə münasibət bildirib
“Gürcüstanda dinc etirazlar zamanı hüquq-mühafizə orqanlarının əməkdaşlarının hərəkətləri dərin narahatlıq doğurur və dinc toplaşmaq azadlığını ciddi şəkildə pozur”.
InterPress.ge xəbər verir ki, ATƏT-in Demokratik Təsisatlar və İnsan Haqları Bürosu (DTİHB) bu barədə bəyanat yayıb .
Təşkilat öz bəyanatında qeyd edir ki, üzv dövlətin güc tətbiq etməsi həmişə qanuna uyğun, zəruri və vəziyyətin ehtiyaclarına mütənasib olmalıdır.
"Etirazçıların böyük əksəriyyətinin dinc olduğu aksiyalar zamanı qeyri-mütənasib və ayrıseçkilikdən kənar güc tətbiqi çoxlu sayda etirazçıya və jurnalistlərə təsir etdi. Dinc toplaşmaq hüququ bütün demokratik cəmiyyətlərin mərkəzində dayanan azadlıqdır və bütün ATƏT dövlətlərinin “hər kəsin dinc toplaşmaq azadlığına və nümayiş keçirmək hüququna malik olmasını” təmin etmək öhdəliyi var. Bu hüququn hər hansı məhdudlaşdırılması qanunla təmin edilməli və beynəlxalq hüquq normalarına tam uyğun olmalıdır.
Dövlətin güc tətbiq etməsi həmişə qanuna uyğun, zəruri və vəziyyətin ehtiyaclarına mütənasib olmalıdır.
Dinc toplaşmaq azadlığı hüququ bir çox insan hüquqları sənədlərində təsbit edilmişdir. ATƏT-in bütün üzv dövlətləri bu hüququ qorumaq və dinc toplaşmaq azadlığını həm qanunvericilikdə, həm də praktikada təmin etmək öhdəliyini götürüblər. DTİHB /ATƏT regionundakı ölkələri dinc toplaşmaq azadlığına və bütün digər fundamental azadlıqlara hörmətlə bağlı öhdəliklərini yerinə yetirməyə çağırır”, - bəyanatda deyilir.
