Tbilisidə vəziyyət gərginləşib, yaralılar var

Parlament binası yaxınlığında etiraz aksiyası davam edir.

InterPress.ge xəbər verir ki, aksiyada gərginlik yaşanır, polis vaxtaşırı bibər qazından istifadə edir. Yaralılar var.

Dörd müxalifət partiyasının hamısı birgə şura yaradacaqlarını və ümumi qeyri-zorakı müqavimət hərəkatı başlatacaqlarını açıqladılar. Müxalifət son bir neçə həftədir aksiyalarda insan azlığından əziyyət çəkirdi, lakin baş nazirin bugünkü açıqlaması ilə vəziyyət kökündən dəyişdi.

Gecə boyu Gürcüstanın müxtəlif şəhərlərində etiraz çıxışları təşkil olunub. Vətəndaşlar ölkənin kursunun dəyişməsinə etiraz edirlər.