Bu yolda bütün növ avtomobillərin hərəkəti qadağan edilib

Əlverişsiz hava şəraiti ilə əlaqədar Gürcüstanın avtomobil yollarında müxtəlif məhdudiyyətlər tətbiq edilib.

InterPress.ge xəbər verir ki, bu barədə Avtomobil Yolları Departamenti məlumat yayıb.

Məlumata görə, Qoderdzi kurort hissəsində bütün növ avtonəqliyyat vasitələrinin hərəkəti qadağan edilib.

“Çətin meteoroloji şərait (güclü qar və çovğun) ilə əlaqədar Batumi (Anqisa)-Axaltsixe avtomobil yolunun 106-km 123-cü hissəsində (Qoderdzi-Utkisubani kurortu) bütün növ avtonəqliyyat vasitələrinin hərəkəti müvəqqəti məhdudlaşdırılıb”, - deyə məlumatda bildirilir.