BP-nin regional rəhbəri Gürcüstanın Baş naziri ilə TANAP layihəsini müzakirə edib

Gürcüstanın Baş naziri Giorgi Qaxaria BP şirkətinin regional prezidenti Hari Cons ilə görüşüb.

InterPress.ge xəbər verir ki, bu barədə Baş nazirin mətbuat xidməti məlumat yayıb.

Bildirilib ki, görüş zamanı tərəflər BP-nin Gürcüstanda həyata keçirdiyi irimiqyaslı layihələri və korporasiyanın yeni rəhbərliyi altında strateji əməkdaşlığın perspektivlərini müzakirə ediblər.

Hari Cons qeyd edib ki, həm ABŞ hökuməti, həm də Avropa İttifaqının dəstəklədiyi bu layihənin uğurla həyata keçirilməsində Gürcüstanın vacib rolu var.

Görüşdə boru kəmərinin bir neçə hissəsinin yenilənməsi barədə də müzakirə aparılıb.