Çarçvadze: "Mərkəzimizdəki infrastrukturun vəziyyəti acınacaqlı idi"

"Mərkəzimizdəki infrastrukturun vəziyyəti acınacaqlı idi, çünki bu mərkəz 10 il əvvəl satılmışdı. İnfrastrukturanı qaydaya salmaq üçün addımlar atıldı, hökumət pul ayırdı".

InterPress.ge xəbər verir ki, bu barədə Tenqiz Çerçvadze qeyd edib.

Onun sözlərinə görə, təxminən 2-3 həftədə ərzində yoluxucu xəstəliklər xəstəxanasının reabilitasiya işləri başa çatacaq və xəstələri qəbul etmək mümkün olacaq.

"Hər kəs mərkəzimizdəki infrastrukturun vəziyyətinin acınacaqlı olduğunu bilirdi. Çünki bu mərkəz 10 il əvvəl satılmışdı. Təmir etməyə icazə verilmirdi. İnfrastruktur çox pis vəziyyətdə idi. Sonradan bunun aradan qaldırılması üçün addımlar atıldı. Pul hökumət tərəfindən ayrıldı. Hal-hazırda bütün ölkədəki koronavirusun ən ciddi hallarının əsas qəbuledici binasının təmir işləri çox sürətlə aparılır. Xəstəxana oksigen təchizatı sistemi, infeksiyanın yayılmasının qarşısını alan havalandırma, kanalizasiya sistemi və s. ilə təchiz olunacaq.

Bina müvəqqəti olaraq boşaldılıb, xəstə yoxdur. Onlar başqa binada müvəqqəti olaraq yerləşdirilib. Təxminən iki və ya üç həftə ərzində korpusun hazır olacağını və xəstələri qəbul edəcəyimizi təxmin edirik. Bina 40 xəstəni qəbul edə biləcək. Burada xəstə tamamilə təhlükəsiz şəkildə müalicə alacaq", -dedi Tenqiz Çerçvadze.