2 ay ərzində qanunsuz ovla bağlı 400 fakt aşkarlanıb
Ekologiya və Kənd Təsərrüfatı Nazirliyinin Ətraf Mühitə Nəzarət Departamentinin əməkdaşları köçəri quşlar üçün ov mövsümü açıldıqdan sonra iki ay ərzində 400 qanunsuz ov faktı aşkarlayıb.
InterPress.ge xəbər verir ki, bu barədə Ətraf Mühitin Mühafizəsi və Kənd Təsərrüfatı Nazirliyi məlumat yayıb.
Nazirliyin məlumatına görə, ən çox qeyri-qanuni - 96 ov halı Sameqrelo-Zemo Svanetidə qeydə alınıb. İmeretidə 91, Şida Kartlidə 58, Mtsxeta-Mtianetidə 46, Kvemo Kartlidə 37, Quriyada 35, Kaxetiyada 12, Samtsxe-Cavaxetiyada 12, Acarıstanda 7, Raçaveçxumidə 2 qanun pozuntusu aşkar edilib.
“Ətraf Mühitin Mühafizəsi Departamentinin əməkdaşları Tbilisi şəhərinin inzibati sərhəddində 4 qanunsuz ov halının qarşısını alıblar.
Aşkar edilmiş qanun pozuntularının 382-ni qadağan olunmuş silah və ya üsullarla ov etmə faktları təşkil edir. 18 halda qanun pozucuları köçəri quşların ətraf mühitdən çıxarılması üçün müəyyən edilmiş haqqı ödəmədən ov etmiş, brakonyerlər tərəfindən qanunsuz olaraq 27 ədəd bildirçin ovlanmışdır.
Ov mövsümünün başlanmasından 2 ay ərzində quşları cəlb etmək üçün səs siqnalı verən 381 ədəd elektron cihaz çıxarılıb.
Qeyri-qanuni ov faktlarının aşkar edilməsi və qarşısının alınması məqsədilə ekoloji nəzarət şöbəsinin əməkdaşları ov mövsümündə Gürcüstanın bütün ərazisində 24 saat gücləndirilmiş nəzarəti həyata keçirirlər. Bundan əlavə, departamentin (153) qaynar xəttinə daxil olan hər bir müraciətə operativ reaksiya verilir”, - məlumatda deyilir.
