"Moldovada və Gürcüstanda demokratiyaya çoxlu hücumlar olub" - Emmanuel Makron

Fransa prezidenti Avropa siyasi birliyinin sammitində çıxışı zamanı Gürcüstanda keçirilən parlament seçkilərini şərh edib.

InterPress.ge xəbər verir ki, Emmanuel Makron müşahidəçilərin qiymətləndirmələrinə əsaslanaraq bildirib ki, seçki kampaniyası zamanı və səsvermə günü ciddi qanun pozuntuları müşahidə olunub.

"Avropa demokratiya modeli də [müzakirə olunacaq] məsələdir. Moldova və Gürcüstanda [demokratiyaya] bir sıra hücumlar olub: kiberhücumlar, seçicilərin rüşvətxorluğu, manipulyasiya. Bütün müşahidəçilər bunu qeyd etdilər. Mən Maia Sandunu yenidən seçilməsi münasibətilə təbrik etmək istəyirəm və ümid edirəm ki, Gürcüstan öz Avropa seçimini və demokratik modelini gücləndirəcək”, - Emmanuel Makron bildirib.

Bundan əvvəl Veymar üçbucağının nümayəndələri (Fransa prezidenti, Almaniya kansleri və Polşanın baş naziri) birgə bəyanat yayaraq, Gürcüstandakı siyasi vəziyyətdən narahat olduqlarını bildiriblər.

Xatırladırıq ki, Avropa liderləri, o cümlədən Gürcüstanın baş naziri İrakli Kobaxidze Budapeştdə Avropa siyasi birliyinin sammitində iştirak edirlər. Macarıstanın paytaxtı Avropa Şurasının qeyri-rəsmi sammitinə də ev sahibliyi edəcək. Şarl Mişel bildirib ki, görüşdə Gürcüstanda seçkilərdən sonra yaranmış vəziyyəti və bundan sonrakı addımları müzakirə edəcəklər.