Gürcüstanın sabiq Baş Naziri siyasətə qayıdacaqmı?

Gürcüstanın bu gün azadlığa buraxılan sabiq Baş Naziri Vano Merabişvili aktiv siyasi fəaliyyətə qayıdacaq.

InterPress.ge xəbər verir ki, bu barədə sabiq nazir yerli mətbuata açıqlamasında bildirib. O, siyasi fəaliyyətə qayıtmasının zəruri olduğunu qeyd edib.

O, tərəfdarlarına dəstəyə görə minnətdarlıq edib və bu il bu rejimin devrilməsi üçün mübarizəyə başlayacağını bildirib.

“Sizə zəmanət verirəm ki, bu hökumətə bir ildən sonra son qoyulacaq” - Vano Merabişvili qeyd edib.

Qeyd edək ki, V. Merabişvili 2004-2012-ci illərdə Gürcüstanın Daxili İşlər naziri, 2012-ci ilin iyul-oktyabr ayları ərzində isə Baş Nazir vəzifəsini tutub.