Gürcüstan iqtisadiyyatı 9,8% artıb

İlkin hesablamaya görə, 2024-cü ilin sentyabr ayında əvvəlki ilin müvafiq dövrü ilə müqayisədə real ümumi daxili məhsulun (ÜDM) artımı 8,3 faiz təşkil edib, 2024-cü ilin doqquz ayı üzrə orta göstərici isə  9,8 faiz müəyyən edilib.

InterPress.ge xəbər verir ki, bu, Milli Statistika Xidmətinin hesabatında qeyd olunub.

Bundan əlavə, 2024-cü ilin sentyabr ayında əvvəlki ilin müvafiq dövrü ilə müqayisədə aşağıdakı sektorlar artıma əhəmiyyətli töhfə verib: tikinti, maliyyə və sığorta fəaliyyəti, nəqliyyat və anbar təsərrüfatı, ticarət.

Energetika sektorunda azalma tendensiyası müşahidə olunub -  Sakstatın məlumatında deyilir.