Ukraynada Gürcüstan vətəndaşı qətilə yetirilib

Ukraynada 27 yaşlı Gürcüstan vətəndaşı öldürülüb.

InterPress.ge xəbər verir ki, bu barədə Ukrayna mediası məlumat yayıb.

Hadisə fevralın 17-də axşam Şostka şəhərinin Sumuska rayonunda baş verib.

Məlumata görə, rayonda yerləşən kafelərdən birində sözlü qarşıdurma başlayıb və küçədə davam edib. 25 yaşlı kişi Gürcüstan vətəndaşını başından soyuq silahla ölümcül yaralayıb. Bununla bərabər daha bir nəfər xəsarət alıb. Onu xəstəxanaya yerləşdiriblər, həyati təhlükəsi olmadığı bildirilir.

Cinayəti törədən şəxsi Ukrayna polisi saxlayıb.