Təcili yardım ilə minik avtomobili toqquşub, yaralılar var

Tbilisinin Tamaraşvili küçəsində yol-nəqliyyat hadisəsi baş verib.

InterPress.ge xəbər verir ki, təcili yardım maşını ilə minik avtomobili toqquşub.

Qəza nəticəsində 3 nəfər xəsarət alıb. Onların həyatı təhlükədə deyil.

Daxili İşlər Nazirliyindən verilən məlumata görə, hadisə ilə bağlı Cinayət Məcəlləsinin 276-cı (nəqliyyat vasitələrinin hərəkəti və ya təhlükəsizlik qaydalarını pozma) maddəsi ilə araşdırma aparılır.