Kaxetidə baş verən qəzada iki nəfər ölüb

Qurcaani bələdiyyəsində baş verən yol qəzasında 2 nəfər ölüb.

InterPress.ge xəbər verir ki, qəza Vaçnadziani kəndində baş verib.

Əldə olan məlumata görə, “Honda” markalı avtomobilin sürücüsü döngədə sükanı idarə edə bilməyib. O, yerli sakinlərdən birinin həyətinə girərək oradakı qadınları vurub. Qəza nəticəsində onların hər ikisi dünyasını dəyişib.

Hadisə yerinə təcili tibbi yardım briqadası və hüquq-mühafizə orqanlarının əməkdaşları səfərbər olunub. İstintaq tədbirləri davam etdirilir.