Laqodexidə ağır yol qəzası ölümlə nəticələndi

Laqodexidə ağır yol qəzası ölümlə nəticələnib.

InterPress.ge -nin xəbərinə görə, hadisə az əvvəl Qelati yaxınlığında baş verib.

Hadisə şahidlərinin sözlərinə görə, həddindən artıq sürətlə hərəkət edən yüngül avtomobillər bir-biri ilə toqquşub.

Toqquşma nəticəsində 60 yaşlı kişi yerindəcə ölüb, iki nəfər isə ağır yaralanıb.

Təcili yardım briqadası yaralıları Laqodexi xəstəxanasına çatdırıb, onların vəziyyəti öyrənilir.

Polis hadisə yerindədir və hadisə ilə bağlı araşdırma aparır.