Bidzina İvanişvili: “Gürcü Arzusu”nun konstitusiya çoxluğunu əldə etməsi və “Milli Hərəkat”ın ən sərt şəkildə cəzalandırılması məsələsini gündəmə gətirməsi prinsipial əhəmiyyət kəsb edir

“Oktyabrın 26-da keçiriləcək parlament seçkilərində “Gürcü Arzusu”nun konstitusiya çoxluğunu qazanması və “Milli Hərəkat”ın konstitusiyaya zidd elan edilməsi və eyni zamanda onun ən sərt şəkildə mühakimə olunması məsələsini gündəmə gətirməsi prinsipial əhəmiyyət kəsb edir. Sizə söz verirəm ki, bu prosesə heç nə mane olmayacaq!”

InterPress.ge xəbər verir ki, bunu “Gürcü Arzusu”nun fəxri sədri Bidzina İvanişvili bildirib.

İvanişvili 2008-ci ilin avqust müharibəsi və bu hadisələrdə “Milli Hərəkat”ın məsuliyyətindən danışarkən deyib ki, “bu xəyanətə siyasi-hüquqi qiymət verilməsə, ölkəmiz heç vaxt xilas ola bilməyəcək”.

Onun bəyanatına görə, əvvəlki hakimiyyət illər ərzində törətdiyi digər ağır cinayətlərə görə cavab verməli və Gürcüstan cəmiyyəti nəhayət, bu siyasi qüvvədən azad olmalıdır.

“Bundan başqa, bu vətəndaşlığı olmayan insanlar bu illər ərzində törətdikləri ən ağır cinayətlərə görə birdəfəlik cavab verməlidirlər: öz vətəndaşlarına verilən işgəncə və qətllərə, ölkədə hökm sürən biznes reketliyinə, korrupsiyaya. Ovsunlanmış, qapalı dairədə yeriməyi dayandırmaq istəyiriksə, bu siyasi sarkomanı öz bədənimizdən kəsməliyik.

Bu gün biz hamımız açıq şəkildə görürük ki, bu radikal qüvvə, onun ətrafında birləşən siyasi, qeyri-hökumət və media qurumları xarici bir gücün maraqlarını daşıyıb, Gürcüstanı müharibə səfalətinə sürükləməyə çalışırlar. Səhv etməyə haqqımız yoxdur, əks halda 2008-ci ilin avqust müharibəsi fəlakətli olacaq. Ölkəmizə düşmən olan qüvvələr yerli agentin əli ilə Gürcüstanı xəritədən yoxa çıxarmağı planlaşdırır. Əsrlər boyu heç bir fatehin edə bilmədiyi şeyə hazırlaşırlar!

Bunu necə bağışlamaq olar?! Əsas məqsədi nəyin bahasına olursa-olsun hakimiyyətə qayıdıb Gürcüstanı müharibə alovuna sürükləmək olan insanlardan buna adekvat cavabı necə tələb etməyə bilərik?!” – Bidzina İvanişvili Telavidə toplaşan əhaliyə bildirib.