Qori şəhərinin meri istefa verib

Vladimir Xinçeqaşvili Qori şəhərinin meri vəzifəsindən istefa verib.

InterPress.ge xəbər verir ki, o, şəxsi ərizəsi əsasında səlahiyyətlərini ləğv edib.

Qeyd edək ki, Vladimir Xinçeqaşvili sərbəst güləşçi, 2016-cı il Rio-de-Janeyro Olimpiya Oyunlarının çempionudur, həmçinin 3 qat Avropa (2014, 2016, 2017) Dünya (2015) çempionu, 2012 London Olimpiya Oyunlarının gümüş mükafatçısı olub. "Gürcü arzusu”ndan Vladimir Xinçeqaşvili 2021-ci il yerli özünüidarə seçkilərindən sonra Qori bələdiyyəsinin meri olub.

Xinçeqaşvili 5 şirkətin səhmdarıdır. Onlardan birində onun ortağı olimpiya çempionu və “Gürcü arzusu”nun seçki siyahısında olan güləşçi Geno Patriaşvilidir.