Azərbaycan oktyabrda da quru sərhədlərini açmayacaq

Azərbaycan oktyabrda da quru sərhədlərini açmayacaq.

InterPress.ge xəbər verir ki, Baş Nazir Əli Əsədov ölkə ərazisində xüsusi karantin rejiminin 2025-ci il yanvarın 1-i saat 06:00-dək uzadılması haqqında qərar imzalayıb.

İndiyədək xüsusi rejimin qüvvədə olma müddəti oktyabrın 1-dək müəyyən edilirdi. Müvafiq olaraq, Gürcüstan-Azərbaycan quru sərhədi gələn ilə qədər bağlı qalacaq.

Xatırladaq ki, Azərbaycan 2020-ci ilin yazında kovid pandemiyası ilə əlaqədar quru sərhədini bağlamaq qərarı verib və bundan sonra məhdudiyyət bir neçə dəfə uzadılıb.