Gömrükçülər külli miqdarda bəyan edilməmiş qızıl məmulatların ölkəyə gətirilməsinin qarşısını alıblar

Gömrükçülər “Sarpi” gömrük-keçid məntəqəsində külli miqdarda bəyan edilməmiş qızıl məmulatlarının ölkəyə gətirilməsinin qarşısını alıblar.

InterPress.ge xəbər verir ki, bu barədə Maliyyə Nazirliyinin Gəlirlər Xidməti məlumat yayıb.

O cümlədən, Maliyyə Nazirliyinin Gəlirlər Xidmətinin “Sarpi” gömrük-keçid məntəqəsində Gürcüstan və xarici ölkə vətəndaşlarının fiziki yoxlanışı nəticəsində külli miqdarda (ümumi çəkisi 326,55 qram) bəyan edilməmiş qızıl-zinət əşyaları aşkar edilib.

Qurumdan verilən məlumata görə, bəyan edilməmiş malların ümumi gömrük dəyəri 41 998,35 lari təşkil edib. İş materialları əlavə cavab verilməsi üçün Maliyyə Nazirliyinin İstintaq xidmətinə təhvil verilib.