Mikanadze ABŞ-ın tətbiq etdiyi sanksiyalar və viza məhdudiyyətləri ilə bağlı: Seçkiqabağı dövrdə xarici ölkə tərəfindən oxşar hərəkətlərin həyata keçirilməsi seçkiqabağı prosesə müdaxilədir

“Gürcü arzusu”nun deputatı Givi Mikanadze xarici qüvvələrin Gürcüstanda seçkiqabağı prosesə müdaxilə cəhdindən danışarkən ABŞ Maliyyə Nazirliyinin Daxili İşlər Nazirliyinin əməkdaşlarına qarşı sanksiyaları və Dövlət Departamentinin yüksək rütbəli dövlət və bələdiyyə məmurlarına qarşı viza məhdudiyyətləri tətbiq etməsinı diqqət çəkib.

InterPress. ge xəbər verir ki, Mikanadzenin fikrincə, xarici dövlətin analoji hərəkəti seçkiqabağı prosesə müdaxilə və seçicilərin iradəsinə təsir göstərmək cəhdidir.

“Sentyabrın 16-da ABŞ Dövlət Departamentinin saytında ABŞ Maliyyə Nazirliyinin heç bir sübut və arqument olmadan Daxili İşlər Nazirliyinin Xüsusi Tapşırıqlar Departamentinin rəisi və onun müavininə sanksiya tətbiq etdiyi barədə məlumat yayılıb. Bundan başqa, ABŞ Dövlət Departamenti hökumətin və bələdiyyələrin yüksək vəzifəli şəxsləri, parlament üzvləri və onların ailə üzvləri üçün viza məhdudiyyətinin qoyulması ilə bağlı məlumat yayıb. Seçkiqabağı dövrdə xarici ölkə tərəfindən oxşar hərəkətlərin həyata keçirilməsi seçkiqabağı prosesə müdaxilə və seçicilərin iradəsinə təsir etmək cəhdidir”, - Givi Mikanadze “Gürcü arzusu”nun ofisində keçirilən brifinqdə bildirib.