Ursula fon der Lyayen Kiyevə səfər edəcək

Avropa Komissiyasının sədri Ursula fon der Lyayen  sabah Ukraynaya səfər edəcək  və  ölkənin prezidenti Vladimir Zelenski ilə görüşəcək.

InterPress.ge xəbər verir ki, Avropa Komissiyasının sədri Beynəlxalq Enerji Agentliyinin icraçı direktoru Fatih Birol ilə birgə mətbuat konfransında Rusiyanın hücumları səbəbindən Ukraynanın enerji sisteminin üzləşdiyi çətinliklərdən danışıb və Avropa İttifaqının dəstəyi gücləndirməyə hazır olduğunu vurğulayıb.

“İki həftədən sonra istilik mövsümü başlayır. Havaların temperaturu aşağı düşməyə başlayanda Aİ Ukraynaya dəstəyini artırmağa hazırdır. Birlikdə qışa hazırlaşırıq. Sabah prezident Zelenski ilə bu məsələləri müzakirə etmək üçün Kiyevə gedəcəyəm”, - Ursula fon der Leyen bildirib.