ABŞ səfiri: Gürcüstan hökumətinin son antidemokratik hərəkətləri nə Gürcüstana, nə də gürcü xalqına kömək edir
Gürcüstan hakimiyyətinin son antidemokratik hərəkətləri nə Gürcüstana, nə də gürcü xalqına kömək edir.
InterPress.ge xəbər verir ki, bu barədə ABŞ-ın Gürcüstandakı səfiri Robin Danniqan jurnalistlərə bildirib.
“Gürcüstan hökumətinin son antidemokratik hərəkətləri, ABŞ və Qərblə bağlı dezinformasiyalar, dünən baş nazirin verdiyi bəyanatlara bənzər bəyanatlar nə Gürcüstana, nə də gürcü xalqına kömək edir. Gürcüstanı Qərbdən, Avropadan və ABŞ-dan daha da təcrid edən hərəkətlər və bəyanatlar gürcü xalqının maraqlarına uyğun deyil. Gürcü xalqı böyük səs çoxluğu ilə bəyan etdi ki, gələcəyi Avropa və Qərblədir və Gürcüstanı təcrid edən hərəkətlər və bəyanatlar bu məqsədə xidmət etmir”, - deyə Robin Danniqan bildirib.
ABŞ-ın Gürcüstandakı səfiri qeyd edib ki, dünyada gürcü xalqının ABŞ-dan güclü tərəfdarı yoxdur.
“Bir daha demək istəyirəm ki, gürcü xalqının Avroatlantik məkana inteqrasiyasının dünyada ABŞ-dan güclü tərəfdarı yoxdur. Biz gürcü xalqını dəstəkləməyə və kömək etməyə davam edəcəyik ki, Gürcüstan daha güclü, iqtisadi cəhətdən uğurlu, Avropa İttifaqının üzvü olacaq və Gürcüstanı ABŞ-dan təcrid etməyə çalışan bəyanatlar heç kimə faydalı deyil”- ABŞ-ın Gürcüstandakı səfiri bildirib.
