Senator Kardin: “Biz gürcü xalqının Avropa seçimini qorumaq üçün addımlar atmağa hazırıq"

ABŞ Senatının Xarici Əlaqələr Komitəsinin sədri Ben Kardin deyib ki, ədalətli və azad seçkilərin keçirilməsi Gürcüstan hökumətinin siyasi kursunu aydın görmək üçün ən vacib sınaq olacaq. 

InterPress.ge xəbər verir ki, o, Globalnews.ge-yə müsahibəsində oktyabr seçkilərindən danışıb.

"Bunu görmək üçün ən vacib sınaq azad və ədalətli seçkilərin keçirilməsi olacaq. Bəli, biz hələ də oktyabr ayında rəqabətli və azad bir mühitdə seçki keçirməyinizi gözləyirik. Və sizə söz verə bilərik ki, biz bu seçkiləri çox diqqətlə izləyəcəyik. Təbii ki, ABŞ hazırkı hakimiyyətin addımlarının nə dərəcədə demokratik prinsiplərə sadiq olacağına uyğun hərəkət edəcək. İndi bütün məsuliyyət onların üzərindədir.

Biz artıq çox narahat olduğumuzu göstərmişik və gürcü xalqının Avropa seçiminin qorunması üçün addımlar atmağa hazır olduğumuzu da açıq şəkildə ifadə etmişik. Biz gürcü xalqının iradəsinə hörmətlə yanaşırıq, ona görə də bir daha təkrar edirəm ki, seçkilərin hansı mühitdə, necə keçiriləcəyini gözləyəcəyik. Təbii ki, biz seçkilərin nəticələrini əvvəlcədən müəyyənləşdirmək fikrində deyilik, biz yalnız əsas prinsiplərə əməl olunmasından danışırıq - seçkilər ədalətli və azad olmalıdır. Necə ki, Avropa ölkələrində və ya Avropaya can atan ölkələrdə baş verir. Biz qəti şəkildə inanırıq ki, sonda hər şey gürcü xalqından asılıdır”, - Kardin bildirib