Baş nazir: İyul ayında bizdə 13% iqtisadi artım müşahidə olundu- bu tempin qorunub saxlanılması işsizlik və yoxsulluğun aradan qaldırılması üçün ən yaxşı yoldur

Baş nazir İrakli Kobaxidzenin sözlərinə görə, 7 ayda iqtisadi artım 9,7% təşkil edib.

InterPress.ge xəbər verir ki, bu barədə baş nazir hökumətin iclasında məlumat verib.

Kobaxidzenin qeyd etdiyinə görə, indi əsas məsələ iqtisadi artımın yüksək tempini saxlamaqdır.

“İyul ayı üzrə iqtisadi artım məlumatları dərc edildikdən sonra ilk dəfə görüşürük. İyul ayında bizdə 13% iqtisadi artım oldu, buna görə də 7 aylıq orta artım 9,7% təşkil etdi ki, bu da Avropada və region ölkələri arasında ən yüksək göstəricidir və bütün bunlar təbii ki, getdikcə ölkəmizdə rifahın keyfiyyətini yüksəldir”, - Kobaxidze bildirib.