Karantin müddəti qısaldılır - Mərkəz rəhbəri AÇIQLAMA VERDİ

"Karantin günləri azaldıla bilər".

InterPress.ge xəbər verir ki, bu barədə Xəstəliklərə Nəzarət Milli Mərkəzinin rəhbəri Amiran Qamğrelidze qeyd edib.

Qamğrelidzenin sözlərinə görə, 12 günlük karantin rejiminin 8 günə endiriləcəyi istisna edilmir.

"Karantin 14 gündən 12 günə endirildi, indi bir neçə mexanizm prosesi işlənir, 8 gün və sonra testlər, hətta başqa addımlar. Bəzi dəyişikliklər də ola bilər", - dedi Qamğrelidze.

Əgər əhəmiyyətli dərəcədə artım baş verərsə ölkənin nə dərəcədə hazırlıqlı olub olmadığına dair ünvanlanan suala Qamğrelidze belə cavab verdi : "Sistem bu gün fevral, mart və aprel aylarından daha yaxşı hazırlanıb, ancaq bu dünyada heç bir şey ideal deyil".