Gürcüstanla Rusiyanı birləşdirən yeganə yol yenə bağlandı

Gürcüstandan Rusiyaya gedən yeganə avtomobil yolu – Mtsxeta-Stepantsminda-Lars avtomagistralı yenidən bağlanıb.

InterPress.ge xəbər verir ki, bu barədə Gürcüstanın Regional İnkişaf və İnfratruktur Nazirliyinin Avtomobil Yolları Departamenti məlumat yayıb.

Məlumatda deyilir ki, havaların gözlənilmədən istiləşməsi dağlarda qarın sürətlə əriməsinə səbəb olub. Nəticədə mavtomagistralın Qudauri-Kobi hissəsində qar uçqunu və torpaq sürüşməsi təhlükəsi artıb.

Departament vətəndaşların təhlükəsizliyi baxımından magistralın həmin hissəsində bütün növ nəqliyyat vasitələrinin hərəkətini qadağan edib.

Qeyd edək ki, bu yol Gürcüstandan Rusiyaya gedən yeganə quru yoldur.