Borjomidə baş vermiş meşə yanğını söndürülüb

Axaldaba qəsəbəsi yaxınlığında, Borjomi vadisində baş verən meşə yanğını söndürülüb.

InterPress.ge xəbər verir ki, bu barədə Daxili İşlər Nazirliyinin Fövqəladə Hallar İdarəsi Xidməti məlumat yayıb.

Qeyd edək ki, yanğının söndürülməsində 150-yə yaxın yanğınsöndürən və 4 helikopter iştirak edib.

“Bu gün səhər saatlarından etibarən yanğının söndürülməsi prosesinə dörd sərhəd polisi helikopteri qatılıb.
Yanğınsöndürənlər və xilasedicilər tərəfindən intensiv lokallaşdırma və ləğvetmə işləri gecə boyu davam edib.Yanğının söndürülməsinə 150-dən çox yanğınsöndürən cəlb olunub. Təhlükəsizlik və monitorinq məqsədilə fövqəladə halların idarə olunması xidmətinin nümayəndələri gecə boyu ərazidə olacaq", -Daxili İşlər Nazirliyinin Fövqəladə Hallar İdarəsindən bildirilib.