Azərbaycan və Ermənistan delimitasiya komissiyalarının birgə fəaliyyəti haqqında Əsasnamə imzalayıb

Azərbaycan və Ermənistan sərhədlərin delimitasiyası komissiyalarının birgə fəaliyyəti haqqında Əsasnamə imzalayıblar.

InterPress.ge xəbər verir ki, bu barədə komissiya bəyanat yayıb.

“Azərbaycanla Ermənistan arasında dövlət sərhədinin delimitasiyası üzrə Dövlət Komissiyası və Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşünün  Protokoluna əsasən 2024-cü il aprelin 19-da Ermənistan və Azərbaycan arasında komissiyaların birgə fəaliyyəti haqqında Əsasnaməyə dair razılaşmanın əldə edilməsinə dair imzalanmış işlər yekunlaşıb”, - komissiyanın bəyanatında deyilir.

Komissiyanın məlumatına görə, Azərbaycan və Ermənistan respublikaları dövlətdaxili prosedurların həyata keçirilməsi üzrə işə başlayıb.