Tbilisi ilə Novosibirsk arasında birbaşa uçuşlara başlanılır

“Georgian Airways” Tbilisi ilə Novosibirsk arasında birbaşa uçuşlara başlayır.

InterPress.ge xəbər verir ki, bu barədə Rusiya mətbuatı yazıb.

“Tolmaçov Hava Limanı” saytında yerləşdirilən məlumata görə, “Georgian Airways” sentyabrın 28-dən uçuşlara başlayacaq və uçuşlar həftədə iki dəfə - çərşənbə axşamı və şənbə günləri yerinə yetiriləcək.

Şirkətin saytına hələlik yeni istiqamət əlavə edilməyib.

Hazırda “Georgian Airways” Moskva və Sankt-Peterburqa müntəzəm uçuşlar həyata keçirir.