Xram çayında axtarılan yeniyetmənin cəsədi tapılıb

Dünən Bolnisi rayonun Arıxlı kəndində yoldaşları ilə birlikdə Xram çayına çimməyə girən yeniyetmənin bu gün səhər saatlarında meyiti tapılıb.

InterPress.ge xəbər portalına daxil olan məlumata görə, axtarış-xilasetmə əməliyyatı gecə boyu və bu gün səhər saatlarında da davam etdirilib.

Məlumata görə, ölən yeniyetmə əslən Marneuli rayonunun Qızılhacılı kəndindən olub və dostları ilə birlikdə çaya çimməyə gedib. Daha sonra gənc çayın dərinliyində yoxa çıxıb. Fövqəladə Hallar Xidmətinə məlumat daxil olan kimi axtarış tədbirlərinə başlanılıb. Yerli əhali də gənc oğlanın axtarışına cəlb olunub.